今晚係我既《龍門夜宴》TV NEWS第一晚。。。

純粹拍左d Establish shot，好鬼過癮呀，佢肯俾人係個酒樓任影～

我真係忍唔住聽日要帶部相機去影輯photojour~~~

聽晚就要扑咪訪問d食客啦，但係好淆底呀，得自己一個人，

要影佢地既食相，又要問佢地問題，真係好驚拍唔到料，又或者俾人鬧。。。

今晚見到好多龍友，包括自己。。。同我差唔多大

唔執，我地都唔會咁神心去欣賞呢間有60年歷史既大酒樓。

總係臨到失去既一刻，才有勇氣去著力留意；酒樓尚且能預早通知一聲

人生變幻，健健康康的「大閂生」突然話去就去。。。

以前，何曾有人在tvb forum特別點名讚「大閂生」演技好？

今日，在留言板講幾多捨不得的說話，佢老人家都睇唔到喇。

不過，如果有個人無端端日日夜夜去麥當勞影相，

麥當勞又唔執，未免又太奇怪～

呢門學問好深~　呵呵~

龍門大酒樓結業@30/11/2009，我要追訪馳名大包~~~~~~~~

《最近》

Lyrics speak louder than words.

OMG! I need INSPIRATION~~~~

2個人天寒地凍食羊腩煲，零舍暖粒粒。。。

我地坐響旺角街頭打冷，全露天，更滋味！

羊腩煲最醒神係，愈煲愈稔，愈稔愈好食。。。加埋唐高。。。

it's perfect!~~~~~~~~~~~~~~~~~~~~~~~~~~~

坐係街邊食野，最頂癮係，可以見到所有經過既人，極羨慕既目光～

拍緊拖既女仔會同男朋友講：嘩。。。打邊爐呀！

老婆會同老公講：嘩。。。d羊腩好正！

哈哈，令我地愈食愈覺得好味～

就黎有啤酒肚啦。。。哈哈哈！

完埋本週最後一個present！總算放下心頭大石．．．

今日係樹仁畢業典禮，幫手拍片，

見到佢地著起畢業袍，不奇然幻想到自己畢業既時候會點～

我地都覺得自己會忍唔住喊～因為今日唔係自己畢業，差唔多個個都唔識，

都已經覺得好感動同好開心，何妨到時身邊個個都係識左四年既好朋友？

之後諗住一個人去食勝香園，竟然俾我係cwb撞到你！

好開心呀！一齊坐電車去中環，２條友撞下撞下食左好多野～

先食蓮香樓豆蓉棋子餅攝牙縫，超過４蚊既水準，好食！

再行去食泰昌既蛋撻同沙翁，最出名既肥彭蛋撻我覺得唔算特別好食，唔值５蚊，

反而沙翁好有蛋味，好好食！仲買左包香蕉糕．．．聽日先拆～

繼續殺落去飲永利蔗汁同食蔗汁糕，ｄ蔗味真係幾正！

飽到要拎走個蔗汁糕，由於天氣太凍，隔一陣拎返出黎食，咦！仲好食喎～

因為堂食既蔗汁糕唔凍，我覺得凍ｄ好味好多～

最後，我地終於搵到勝香園係邊，亦都好香好吸引，但係真係食唔落啦．．．

佢又就黎收工，唯有放棄茄牛通同檸蜜脆目繼續行．．．

中上環真係一個好特別既地方

每條街你都會發現到新奇好玩既野，尤其冬天，少少凍，

更加聞到每間店舖散發出來不同的氣味．．．

gallery、酸枝傢私、麼囉街、賣豉油腐乳、賣燒味乳鴒等等，全部都好特別！

又係好有旅行感覺！要再去要再去！！！

一個星期，撞到４次．．．係太誇張啦嘛？你究竟係唔係特登撞我架？哈哈哈

又要介紹首好歌－陳奕迅舊歌《月球上的人》，聽完容祖兒唱之後成日聽返～

係王菀之編曲ga，加埋林若寧既詞，雖然首歌好靜，但係好淒美咁．．．

「從未來再見　遺憾舊時不太會戀愛　願我永遠記不得我正身處現在」

自己搵啦，太長唔post晒啦．．．